Grupo Poco a Poco
Ponnos en tus favoritos  Favoritos
 Imprimir esta fueya
 Páxina d'aniciu

Aniciu

Trasteru

Mis Webs

Concentración

Salíes bici

Grupu Poco a Poco

Semeyes

Rutes Btt

Ruta Abril 2005  Ruta Xunu 2005    
Ruta Ochobre 2005 Ruta 2005   
Ruta 2005   

29 de Xineru 2005   

Ruta Los Llagares - Xixón

 

Horariu

De 4 a 5 hores.

Desnivel

434 metros. Puntu más altu 439 m. Picu'l Sol.

Llonxitú

42 Km.

Aniciu

Xixón 5 metros.

Mapes

G.P.S. de Jose'l de Xixón.

Notes

Les semeyes son del "paisa" Jose pacín.


Descripción

Aportábamos a Xixón nel tren la Renfe de les nueve la mañana. Yéremos esta vez pocos, 11 magníficos que-y nun tuvieron mieu a la ola de fríu que taba pasando per Asturies. La ñeve en cumes aprandiaba los contornos de les coses. Otra vegada tábemos de nuevo en ruta'l Grupu Poco a Poco.


El día en Gigia, (nomada asina polos romanos), acóyenos ensin agua, pero'l cielu taba encapotáu, anunciaba que volvería llover, asina qu'aniciamos rápido la sienda cicloturista y camín del muellín, dexamos atrás la playa de Poniente. Pasamos al llau de la casa natal de Xovellanos y desde la Ilesia de San Pedro, baxamos a la ablucante concha de la playa San Llorenzo. Como no...., parada na Escalerona pa la semeya, y lluego a facer los 1.500 metros pela arena fasta'l riu Piles.

   

Pela oriella del Piles, colamos en busca del arroyu Deva ó Peñafrancia, onde a les orielles ta la meyor muestra de viesca de ribera. De xemes en cuando, parada pa xuntanos. Vamos per Cabueñes, a lo lloñe vemos la Llaboral, pasamos per paixaxes comu la Carbayera del Tragamón, pa lluéu empobinamos al so nacimientu nel güeyu de Deva, que nun ye otra cosa qu'una surgencia subterránea que vién del cercanu valle de Riosecu.
Agora vamos bordiando la muria de la magnífica finca de los condes de Revillagigedo (Palaciu del Marqués de San Esteban del Mar), dientro la parroquia de Deva, onde topetamos con el llavaderu, la fonte y el puentín, llenos de sabor tradicional, y la capiella de la Virxen de Peña de Francia (sieglu XVII), que fói antiguo panteón de los marqueses.

  El Puentin

Agora vamos pa La Olla. Esti pasu de 329 m. de altura, une'l camín del monte Deva cola Llomba (Villaviciosa). Equí hebo una venta nel sieglu XVIII y agora faen descensos de Btt en competición. Trevesamos un ocalital y ..... ¿Quién dixo mieu? Cago na mar, a baxar pela pista de descensu, onde hai qu'echa-y narices. Toos xuntos cerca del camping, continuamos la ruta pa Santuriu.

 

Nun queda muncho p'aportar a Caldones, y tenemos al "Presi"con poblemas nel frenu de discu. Alcordose de Rubén un pocu, y comu'l "mecánicu" tenémoslu un poco xodíu del güesu, pos allá va Armandín p'arreglar el poblema. El comentariu ye'l Rufo, comu anda'l tío, agora comu dexó el fumeque, anda tou azotáu, tá que se sal.

 Asina taba la bici del "Presi" 

La parada en Caldones fói sólo pa ver la Ilesia de San Vicente y la casona señorial de los Vixil de Quiñones (1637). Güey ye solar de la familia Rato Rguez.,condes de Duquesne.
Vamos mal de tiempu, asina qu'apurando pa Llavandera. Aportamos al pueblu onde hai un xigantescu roble xunto a la Ilesia, ye'l carbayón bicentenariu de Llavandera, catalogáu comu Monumentu Natural. Al llau del carbayu, ta la escuela onde exerció de mayestru el famosu poeta Asturianu Pepín de Pría. Enfrente tenemos el llagar de Trabanco, que aprovecha ún de los túneles, comu bodega, que dexó la Viona.

 

Ya vemos les antenes del Picu El Sol (439 m.), asina que ensin decir pallabra, empobinamos sin pensalo dos veces. Ponen tal enfotu en coronalu los "aguilillas", que tién que Jose llamalos pol movil, pos pasaronse de curva. Cuando llegamos al cume, un gotu sudor esbaria-nos pela frente. Comu ya tenemos fame y paez que se pon a orbayar, la parada ye breve, ponemos el chubasqueru y baxamos a to trapu pa la Camocha, onde vamos a parar pa comer.

 Bona ruta ,Jose

La xintá fói buena y hebo hasta chupito de miel. Aínda quedaba regresar a Mieres, entóncenes colamos pela senda verde en direición a la estación de Xove. Ensín que nos diéremos cuenta, dábemos por terminá la ruta. Aportaba'l tren, ta llueu Jose, vémonos en Mieres.

 

Grupu Poco a Poco - 33600 - Mieres del Camín