Asina qu'ellí tábemos los del "Poco a Poco" a les 9 de la mañana pa facer colos
del Grupu Lopenta (los anfitriones) y munchos más bicicleteros, la marcha pola
Sierra de Carpurias.El día n'Asturies, dexámoslu ecapotáu, pero ellí, ya taba
ensín agua.Lo de siempre'l Grupu Poco a Poco garantiza'l día de sol.
Colamos del pabellón La Rosaleda, pa llegar a Mosteruelo y cagon les pites
roxies, na mas salir, frayó tola cubierta ún del "Poco a Poco".Nun segundu ya
taba Lauriano con una de repuestu, y la poca ventaxa que yos dimos, fué pa
coyelos de nuevo na subía de La Corona.
Per guapos caminos y senderos, aportemos a Morales del Rey, llera domingu y que
pena....les bodegues trancaes (nun pudimos cata-yos el vino).
Bordiamos l'Altu de Campurias, aportamos al camín de la Fuente caño, que
seguía'l cursu del ríu Ería y empobinemos l'Altu de La Sierra. Gotos de sudor
esbariaban pela frente, dalgunos resoplaba per cuenta del fumeque y otros
andábamos algo azotaos. Naide falara muncho.
La baxada, yera trialera y afayaiza, y allí nos lanzamos. El "Presi" y Félix,
nun diban escaecer esti día. Vaya sapá..... que se metieron los dos, pero gustu
con sarna , ya se sabe........ (nun hai semeya de tal evento. Fói una
pena......)
Pasemos pel pueblu Manganeses de la Polvorosa, ye esi que cuando tan de folixa
da-yos por azotar una cabra del campanariu de la Ilesia. Bueno bromes aparte ye
un pueblín mui guapin y prestosu.
Ya tábemos per cerca de Benavente, asina qu'agora díbemos per un guapu senderu
paralelu al monte Mosteruelo, al pié duna vía muerta de tren.Ya teníamos fame y
llera algo tarde, asina que fuimos pal Poli a duchanos, porque lo habíamos
merecido.
La xintá fói buena y hebo hasta chupito de miel. Ganemos el trofeu al grupu más
numerosu. Aínda quedaba regresar a Mieres, entóncenes dempués de dá-yos les
gracies al Grupu Lopenta pel día tan guapu que nos fixeran pasar y ver un poco Benavente,
colamos pal autobús.
