1996.urte ingurua zen, Andoni, Gorka eta Pablo, azken honen garajean kar bat eraikizeko biltzen hasi ziren. Garai honetan ere, Ion, lagun min baten anaia ezagutu eta halako hartu-eman berezi bat sortu zen lauon artean.
Ionek gitarrarekiko zuen zaletasuna kutxatu zion Pablori eta pixkanaka-pixkanaka beste bien artean zabalduz joan zen musikarekiko zirrara hori. Gauzak horrela, hasiera batean hain gogo handiz hartu zuten karra egiteko proiektua, bateria bat egiteko pieza iturri bihurtuko zen, eta hain zuzen ere, han izan zen Gorkaren lehen perkusio instrumentua.

Bitarte horretan, Andonik baxu bat lortu, eta musika kontutan oso jarriak ez izan arren, beraien instrumentuekin jolasean hasi zen laukote hau. Hasiera batean zalaparta hutsa nagusi bazen ere, laister hartu zuen bere forma, eta gitarren doinuetan oinarrituriko kanta gutxi batzuk segituan entzun ahal izan ziren garaje honen inguruan bizi ziren bizilagunen artean. Horrela hasi ziren "The Uplift Moffo" izenpean musika egiten zuten laukote honen lehen urratsak.

Hilabete gutxi batzuk talde bezala lanean zeramatela, Pabloren aitaren lagun baten laguntzarekin lehen grabaketa egin ahal izan zuten "Kutxo live" izenpean. Bertan laukote honen musikaren bere-zitasun eta ezaugarriak usna zitezkeen, instrumentuen nagusi-tasuna hain zuzen ere.