Baina gazte hasi ziren mutil hauei urteak aurrera joan zitzaizkien, eta Andoni, Unibertsitatean hasi eta denbora falta zela eta taldea utzi beharrean aurkitu zen, beraz laukotea hirukote bihurtu esta "Cheeses" izenpean ihardun zuten lanean urte batez. Bolada honetan Donostiako industialde batean lokal bat alokatu eta beraien musika hobetuz joan ziren Andoniren laguntzaz, azken honek ez bait zuen mundu honetatik aldentzea lortu.

Denbora aurrera joan ahala, Ion, Pablo, Gorka eta hauen laguna Unai Ligik (ahotsa eta baxu bezala) 1997.ko udaran "Fofur" izenpean lehen kontzertua eskeini zuten , bertan beraiek asmaturiko doinuez gain, "Ramones", "Pixies", "Fugazi" eta "Purr" taldeen kantuak eskeini zituzten. Baina tamalez, Unai Ligik ikasketak kanpoan egin behar zituela eta, taldea utzi zuen, baina ez ziren berriro hirukote bihurtu, "benetan" inoiz utzi ez bazuen ere, Andoni bueltatu baitzen, eta "Noisynose" bezala ekin zioten txanpa berri honi.

Urte hauetan, bostgarren kide bat ere onartu zuen "Noisynose" taldeak, Olatz Alberdi abeslari bezala. Bolada honetan zehar ez zuten kontzerturik eskeini, nahikoa lan baitzuten hain instrumentalak ziren doinu haiek hobetzen. Beharbada, eta lastima bada ere, azken ezaugarri hau izan zen taldea uztea bultzatu zuena. Berriro ere laukote bihurturik, perfekzionamendu lanetan jarraitu zuten Donostiar hauek, beraien doinuei kolorea eta forma emanez, eta bestalde esan beharra dago nabarian zela dagoeneko garai honetan "Sonic Youth" taldeak Noisynosen zuen eragina.