La rellación del artesanu Marino Gutiérrez cola música entamó na so mocedá, cuando cursara estudios de trompeta nel Conservatoriu de Música "Larrey" (Tarbes, Francia), estudios qu'alternó cola guitarra, emulando a los sos admiraos Pink Floyd y Deep Purple, etc. Retornau a la so España natal, Marino Gutiérrez interesose polos bailles y dances tradicionales d'Asturies.

En 1990, integrose na Asociación Folclórica Azabache de Xixón, de la que ye direutivu, faciendo un notable llabor de recuperación del patrimoniu musical de la rexón asturiana. Frutu d'estos estudios, Marino entama el trabayu de refacer dellos instrumentos tradicionales emplegaos n'Asturies. De manera práuticamente autodidacta, iniciase como luthier faciendo una bandurria, dempués dos zanfoníes, un rabel, un vigulín, etc. El folclor asturianu quedó-se-y pronto pequeñu, y entama a facer reproduciones d'instrumentos de rexones llindantes. Al empar que fai los instrumentos, nun dexa de dir a diferentes cursinos pa perfecionar la so téunica musical, especialmente cola zanfonía y la bandurria.

Pocu dempués, afalaga con unos collacios el grupu de música folk Truébano (anguaño esaniciau por falta tiempu pa los ensayos), col qu'editó dos discos: "Cuadroveña" y "Na Nueite", nos qu'interpreta'l rabel y la zanfonía.

Los instrumentos d'esti luthier estuvieran presentes en conferencies: "Los sonios de la Tradición" (Xixón), "Jornades de la flaüta de tres forats" (Eivissa)-, esposiciones de luthiers (Antigu Institutu Xovellanos, Xixón), Feries y mercaos tradicionales (LLanes al Cubo, L'Ascensión d'Uviéu), Fiesta de l'Arrozada (Miranda, Avilés), etc.