"Fai falta recoyer del escaecimientu too aquello que ye parte de la nuesa hestoria, enantes de perdelo too pa siempre"

Un fonderu interés por tolo rellacionao cola música, y mui especialmente polos sos aspeutos más tradicionaliegos, empobinaron al luthier Marino Gutiérrez a especializase na construción de los más variaos estrumentos emplegaos na música antigua, música popular y folk.

Artesanu autodidacta, per detrás de caúna de les sos creaciones, alcuéntrense munches hores d'estudiu, investigación y documentación, alitando formes, tradiciones y téuniques escaecíes cuantayá.

Asina, xunto a estrumentos tan clásicos como vigulines o xiblates traveseres, de les sos manes salieren bandurries, rabeles, gaites de rabil, harpes, xiblates, timples, etc..., munchos d'ellos modelos únicos, construyíos baxo encargu pa músicos, coleciones particulares, o pal mesmu Muséu la Música de Barcelona.

Amás d'una cuidá reprodución del modelu orixinal, caúna de les obres d'esti luthier, ye un enstrumentu musical d'estraordinaria calidá sonora, fechu col conocimientu d'un músicu y artesanu polifacéticu, a quien y-presta tocar tolos instrumentos que fai.