Arasán

El llugá de Arasán en 26 personas que i están y situau a 1240 m. de altaria descansa a las faldas
del pico Gallinero, ye de l'Achuntamén de Bisagorri. Arasán ba está del monasteri sistersiense de
Labaix (Pont de Suert) al que teniba que pagá un tributo anual. Pero dintro de Arasán, casa Lacasa,
en yera exenta ya que no dependeba de Labaix, sino de San Bictorián a La Fueba.

Arasán tiene una illesia al mich del llugá y un campanal en només una campana, encara que
antiguamen ñ'eba dos. Ista illesia a l'encomensamén yera d'estilo románico y dedicada a Santa
María. Dispués el templlo parroquial se ba dedicá al santo Cristo, dan una escultura de fin del XV
presidín adetrás de l'altá. Ista escultura tallada de madera ye la de un ome en las benas bisibles y ros-
tro a l'expirá. No siempre ha presidiu la illesia, al prensipe estaba a una de las tres capillas. Y la ille-
sia, seguntes conta la leyenda se ba fé dan arena portada per una torrumbesca hasta la misma capi-
lla. En tems de sequera se acudiba al Santo Cristo impllorán l'aigua el día 11 de Mayo, en boto de fé
profesión, misa, rogatibas, y en asistensia deIs llugás de Erisué, Sos, Rainastué, Llire, Castilló y
Urmella. La fiesta mayó ye el día 14 de Septiembre, exaltasión de la Santa Crus.

A la entrada del llugá trobam la imachen de Santa Llusia custodiada per un rosal de rosas chi-
quetas y buena uló. Si continuam puyán per la carrera, arribam a casa Agustí y a casa Llorens, y dis-
pués está casa Muria, casa El Baile, casa Cllabería y tirán per la carrera de la esquerra y pasán per la
casa del llugá y la pllaseta, arribam a casa Chuanet. Continuán per la carrera prinsipal se troba casa
Primisia en un San Antonio a la frontera y per una carrera que sall ala dreta anirem a casa Tixidó y
un poco més adichós casa Chaime.

Tornán a la carrera prinsipal igu'é el llabadó y la illesia. Ara enpenrem la carrera costeruda que
mos portará al cabo delllugá agon ye casa el Maestro, el sagrero y casa Palomera. Una begada así,
podrem arribá a casa Lacasa per un camino yermau que sall ala esquerra. Continuán per la carrera
mayó está casa Chuliá y, a la fin, la saguera casa: Chuancastán.

Fora del llugá tenim tres ermitas: San Llorens, ya cayeda y pllena de barsas y arañons. Si aban-
sam 300 m arribarem a un puesto mol bistable, miradó desde el que se bei tota la Ball, del Coll de
Fadas hasta la Serra de Chía. La ermita de San Pedro Marti está entre Arasán y Urmella y se troba
igual que la de San Llorens. La única que encara está de peu ye la de Santa Bárbara; a 50 m de la
pista de Pedras Bllancas.
arasan_villarroya_2000