Os Resentidos



OS RESENTIDOS

 

Para ter unha idea do que significaron Os Resentidos no panorama do pop e do rock galego hai que poñerse en antecedentes. Antón Reixa era poeta e profesor de Instituto antes de encabezar este grupo de Vigo e, despois, tamén publicaría libros, realizaría vídeos, sería guionista e presentador televisivo, realizaría programas radiofónicos, colaboraría na prensa escrita...

Polo tanto, o seu discurso, revestido de surrealismo, deulle un certo aire de intelectualidade do que carecía o rock feito en Galicia. Do experimentalismo do seu primeiro disco, os seus músicos -Alberto Torrado, Javier Soto e Xabier Debesa- foron avanzando cara a sons máis bailables, que tanto tocaban a cumbia como a pandeirada galega.

Tamén foron congruentes no emprego do galego como lingua exclusiva para toda a súa producción, influíndo así nunha xeración que entendérono como posible e normal. Despois da súa disolución, Antón Reixa formaría Nación Reixa co productor do último disco de Os Resentidos, Kaki Arkarazo de Negu Gorriak, antes de editar un disco en solitario.

XAVIER VALIÑO

 

http://www.contrasurco.com/9resentidos.php

 

_ 

 


DISCOGRAFÍA:

 

Surfin´ CCCP (a medias con Siniestro Total) (Grabaciones Accidentales, 1984)
Vigo capital Lisboa (Grabaciones Accidentales, 85)
Fai un sol de carallo (Grabaciones Accidentales, 1986)
Música doméstica (Grabaciones Accidentales, 1987)
Fracaso tropical (Grabaciones Accidentales, 1988)

Jei (Grabaciones Accidentales, 1990)
Delikatessen (GASA, 1991)
Están aquí (GASA, 1993)
Made In Galicia 1982-1994 (recopilatorio) (GASA, 1994)