SKORNABOIS
A finais dos 80, nos ratos libres que lles deixa o Instituto, un grupo
de rapaces acompañábase de latas de conserva, bidóns de pintura e caldeiros de
cinc nunha aldea achegada a Vilanova de Lourenzá, Lugo. A súa historia pasa por
unha transformación que os leva en pouco menos dunha década daqueles inocentes
xogos infantís á concienciación política sen maiores sobresaltos.
Negu Gorriak e Os Resentidos son as súas
referencias básicas e Os
Diplomáticos de Monte-Alto o grupo que lles fixo ver que podían ser unha
formación de rock combatinte nunha terra con nulos antecedentes.
Participaron na gravación do disco Unión bravú co tema A nova fifí.
Emilio López -Cele- á voz, Xermán Viluba -Torzón- na
guitarra, Iván Laxe no baixo e programacións e Xoán Villamel
-Villano- na batería teñen máis dunha aventura paralela e xogan a adaptarse ás
novas tendencias. Eles forman Skornabois, militantes da ilusión por natureza.
DISCOGRAFÍA:
O verme homicida - Chorima (1996)
Skornabois -
Chorima (1998)